აშშ-ის არჩეულმა პრეზიდენტმა დონალდ ტრამპმა განაცხადა, რომ ფლორიდის ყოფილ გენერალურ პროკურორს პემ ბონდის წარადგენს აშშ-ოს გენერალური პროკურორის თანამდებობაზე.
ეს მას შემდეგ მოხდა, რაც მეტ გეცმა თანამდებობაზე უარი თქვა.
"ძალიან დიდი ხნის განმავლობაში იუსტიციის დეპარტამენტი პოლიტიზირებული იყო და იარაღად გამოიყენებოდა ჩემსა და სხვა რესპუბლიკელების წინააღმდეგ. ეს დასრულდება," - დაწერა ტრამპმა სოციალურ ქსელ Truth Social-ში.
ტრამპი ამბობს, რომ „პემი შეცვლის იუსტიციის დეპარტამენტის მიმართულებას, დაუბრუნებს მას ნამდვილ მიზანს - დანაშაულთან ბრძოლას და ამერიკის უსაფრთხოებას“.
"მე მრავალი წელია ვიცნობ პემს - ის არის ჭკვიანი, ძლიერი და პირველ რიგში ამერიკის პოლიტიკის მგზნებარე მხარდამჭერი. ის დიდ საქმეს გააკეთებს, როგორც გენერალური პროკურორი!" - წერს ტრამპი
პემ ბონდიმ კარიერა გილსბოროს ოლქში პროკურორის თანაშემწედ დაიწყო.
ის ფლორიდის გენერალური პროკურორის თანამდებობაზე მუშაობდა 2011-დან 2019 წლამდე და გახდა პირველი ქალი შტატის ისტორიაში, რომელიც ამ თანამდებობას იკავებდა.
2020 წელს ბონდი იყო დონალდ ტრამპის ერთ-ერთი ადვოკატი მისი პირველი იმპიჩმენტის სასამართლო პროცესის დროს. 2024 წლამდე ის ხელმძღვანელობდა პოლიტიკის ინსტიტუტის იურიდიულ განყოფილებას, რომელიც მხარს უჭერს ტრამპს.
