2028 წელს ზაფხულის ოლიმპიურ თამაშებს ლოს ანჯელესი უმასპინძლებს
ცოტა ხნის წინ, პარიზში ზაფხულის XXXIII ოლიმპიური თამაშების დახურვის საზეიმო ცერემონიალი გაიმართა.
პარიზის თამაშების ოლიმპიური ცეცხლის ჩაქრობის შემდეგ, ოლიმპიური დროშა მომდევნო ზაფხულის ოლიმპიური თამაშების მასპინძელს, აშშ-ის ქალაქ ლოს ანჯელეს გადაეცა.
ოლიმპიური დროშა ლოს ანჯელესის მერ კარენ ბასს პარიზის მერმა ანა იდალგომ გადასცა.
ცერემონიის ფარგლებში გაიმართა შთამბეჭდავი სანახაობა ჰოლივუდელი მსახიობის, ტომ კრუზის მონაწილეობით, რა დროსაც მსახიობი სტადიონის სახურავიდან დაეშვა. ტომ კრუზმა მიიღო ოლიმპიური დროშა, რომელიც ლოს ანჯელესისკენ გაემგზავრება.
დახურვის ცერემონიალში მონაწილეობა მიიღეს ამერიკელმა შემსრულებლებმა ბილი აილიშმა, Red Hot Chili Peppers-მა და Snoop Dogg-მა. მათ ლოს ანჯელესის სანაპიროზე რამდენიმე სიმღერა შეასრულეს.
