რუსეთის საგარეო საქმეთა სამინისტროს ოფიციალური წარმომადგენლის მარია ზახაროვას განცხადებით, პოსტსაბჭოთა ქვეყნებში, აშშ-ის ბიოლოგიური ლაბორატორიები საფრთხეს უქმნის რუსეთის ფედერაციის უსაფრთხოებას.
"ჩვენ მზად ვიყავით ჩვენი სპეციალისტების, დელეგაციების გასაგზავნად, სხვადასხვა უწყებებიდან. ყველაფერი ეს იყო იდუმალებით მოცული, გასაიდუმლოებული. ეს რა თქმა უნდა, არ გულისხმობდა მათი მხრიდან რაიმე თანამშრომლობას. რადგან მიმართული იყო ჩვენი ქვეყნისა და მოსახლოებისთვის საფრთხის შექმნისკენ", - განახადა აგრესორი ქვეყნის სამინისტროს წარმომადგენელმა.
"თუ ახლა ამას არ შევაჩერებთ, შემდეგში ყველაფერი უკონტროლო გახდება", - განაცხადა ზახაროვამ.
მანამდე რუსეთის შეიარაღებული ძალების რადიაციული, ქიმიური და ბიოლოგიური დაცვის არმიის მეთაური იგორ კირილოვი ამბობდა, ღორის გრიპი საქართველოს ლაბორატორიაშია გამოყვანილი.
კრემლი და მასზე დაქვემდებარებული პროპაგანდისტული მედია პერიოდულად ავრცელებს ცნობებს იმის თაობაზე, რომ თითქოს თბილისში მომაკვდინებელ ვირუსებზე ექსპერიმენტები ტარდება.
