ღორის აფრიკული გრიპი, რომელიც 2007 წლიდან აქტიურად ვრცელდება, საქართველოში ლაბორატორიაში იქნა გამოყვანილი, - განაცხადა რუსეთის შეიარაღებული ძალების რადიაციული, ქიმიური და ბიოლოგიური დაცვის ჯარების (РХБЗ) უფროსმა გენერალ-ლეიტენანტმა, იგორ კირილოვმა.
"ჩვენ გვჯერა, რომ 2007 წელს საქართველოში არსებულ ბიოლოგიურ ლაბორატორიაში, რომელიც პენტაგონს ექვემდებარება, მაღალი გადამდებობის მქონე ღორის გრიპის შტამი შეიქმნა. მისმა გავრცელებამ მნიშვნელოვანი ეკონომიკური ზიანი მიაყენა უამრავ სახელმწიფოს, მათ შორის უკრაინასა და პოლონეთს და გამორიცხა ისინი ღორის ხორცის ექსპორტიორებისგან", - თქვა კირილოვმა ორშაბათს გამართულ ბრიფინგზე.
"ინტერფაქსის" ცნობით, 2013 წელს რუსეთის ფედერაციის ყოფილმა მთავარმა სახელმწიფო სანიტარიულმა ექიმმა გენადი ონიშჩენკომ განაცხადა, რომ ღორის აფრიკული ჭირი, რომელმაც რუსეთის რეგიონებში პირუტყვი გაჟლიტა, რუსეთში საქართველოდან შევიდა.
კრემლი და მასზე დაქვემდებარებული პროპაგანდისტული მედია პერიოდულად ავრცელებს ცნობებს იმის თაობაზე, რომ თითქოს თბილისში მომაკვდინებელ ვირუსებზე ექსპერიმენტები ტარდება.
