შეერთებული შტატების სურსათისა და მედიკამენტების ადმინისტრაციამ (FDA) კოვიდ-19-ის სამკურნალო კიდევ ერთი აბი დაამტკიცა.
საქმე ეხება კომპანია Merck-ის მიერ წარმოებულ ანტივირუსულ პრეპარატს მოლნუპირავირს.
მოლნუპირავირი მეორე ანტივირუსული აბია, რომელიც სურსათისა და მედიკამენტების ადმინისტრაციამ დაამტკიცა. მანამდე, ამერიკის მარეგულირებელმა ორგანომ Pfizer-ის მიერ წარმოებული ანტივირუსული პრეპარატი Paxlovid დაამტკიცა.
FDA-მ პრეპარატის გამოყენება დაუშვა გამოყენება მოზრდილებში, რომლებთაც აქვთ კორონავირუსის ადრეული სიმპტომები და ჰოსპიტალიზაციის ყველაზე დიდი რისკის ქვეშ არიან. მათ შორის - ხანდაზმულები, ჭარბი წონისა და გულ-სისხლძარღვთა დაავადებების მქონე პირები. პრეპარატის მიღება არ არის რეკომენდებული ორსულებისთვის.
კვლევების თანახმად, დაავადების ადრეულ ეტაპზე პრეპარატის გამოყენება 30%-ით ამცირებს ჰოსპიტალიზაციის რისკს.
პრეპარატი მოლნუპირავირი პირველად დიდმა ბრიტანეთმა, ნოემბრის დასაწყისში, დაამტკიცა. 18 დეკემბერს პრეპარატი უკვე დაენიშნა პირველ ბრიტანელ პაციენტს.
