ყაზახეთის პრეზიდენტის მოვალეობის შემსრულებელი, სენატის სპიკერი კასიმ ჟომარტ ტოკაევი წინადადებას აყენებს, ქვეყნის დედაქალაქ ასტანას გადაერქვას სახელი და დაერქვას „ნურსულთანი", გადამდგარი ლიდერის, ნურსულთან ნაზარბაევის პატივსაცემად.
„ვაყენებ წინადადებას, დავარქვათ ქვეყნის დედაქალაქს პირველი პრეზიდენტის სახელი. ეს წინადადება განსაკუთრებული, ზოგიერთისთვის პიორიტეტულიც კი. ეს ჩვენი ქვეყნის განვითარებას და სტრატეგიულ მოწყობას განსაკუთრებულ როლს შესძენს“, - განაცხადა კასიმ ჟომარტ ტოკაევმა, რომელიც 2019 წლის 20 მარტიდან ყაზახეთის პრეზიდენტის მოვალობას შეასრულებს.
ყაზახეთის პირველი პრეზიდენტი, რომელი პარლამენტის ორივე პალატის წინაშე ფიცის დადებისას, "ახალმა ლიდერმა" ქვეყნის უდიდეს რეფორმატორად მოიხსენია, უშიშროების საბჭოს თავმჯდომარედ და მმართველი პარტიის ხელმძღვანელად დარჩება, რაც მას განუზომელ ძალაუფლებას უტოვებს.
შეგახსენებთ, რომ ყაზახეთის პრეზიდენტი ნურსულთან ნაზარბაევმა თანამდებობიდან წასვლის შესახებ განაცხადა. ნაზარბაევის თქმით, ის საპრეზიდენტო მოვალეობის შესრულებამ დაქანცა.
არჩევნებამდე ყაზახეთის პრეზიდენტის მოვალეობას პარლამენტის სენატის სპიკერი ქასიმ ჟომარტ ტოკაევი შეასრულებს.
ნაზარბაევი ყაზახეთს 1990 წლიდან მართავდა. 2015 წელს ის პრეზიდენტად მეხუთე ვადით აირჩიეს.