აშშ-ის პრეზიდენტის, დონალდ ტრამპის განცხადებით, ვაშინგტონი ხედავს, რომ რუსეთსა და უკრაინას ომის დასრულების „ძალიან ძლიერი სურვილი“ აქვთ.
მისი თქმით, ორივე ქვეყანა საბრძოლო მოქმედებებით დაიღალა, ხოლო აშშ კონფლიქტის დასრულების გზების ძიებაში აქტიურად მონაწილეობს. ამის შესახებ ტრამპმა აბუ-დაბიში სამმხრივი მოლაპარაკებების დაწყებამდე ისაუბრა. მოლაპარაკებები დღეს უნდა დაიწყოს.
„აბუ-დაბიში ამ საკითხზე ძალიან კონსტრუქციულად ვსაუბრობთ“, - განუცხადა ტრამპმა ჟურნალისტებს თეთრ სახლში.
აშშ-ის პრეზიდენტმა ასევე აღნიშნა, რომ რუსეთსა და უკრაინას შორის ომის დასრულების მნიშვნელოვანი სურვილი არსებობს.
მოლაპარაკებების ერთ-ერთი მთავარი თემა უკრაინისთვის უსაფრთხოების გარანტიები იქნება. კერძოდ, განიხილება კიევის თავდაცვის უზრუნველყოფის შესაძლებლობა ნატო-ს წესდების მე-5 მუხლით გათვალისწინებული პრინციპის შესაბამისად.
აბუ-დაბიში შეხვედრა თებერვლის შემდეგ პირველი მოლაპარაკებები იქნება, რომელთა მიზანიც ოთხ წელზე მეტი ხნის განმავლობაში მიმდინარე ომის დასრულებისკენ ნაბიჯების გადადგმაა.
აშშ-ის დელეგაციას დონალდ ტრამპის სპეციალური წარმომადგენლები, სტივ უიტკოფი და ჯარედ კუშნერი უხელმძღვანელებენ. მოლაპარაკებები ორი დღის განმავლობაში გაგრძელდება.
