მეტროსადგურ "ვარკეთილში" მომხდარი ინციდენტისას დაშავებული 11 ადამიანიდან 4 ინგოროყვას კლინიკაშია გადაყვანილი.
ისინი მოინახულა ჯანდაცვის მინისტრმა დავით სერგეენკომ.
მინისტრის განმარტებით, მიუხედავად იმისა, რომ პაციენტები მსუბუქი და საშუალო ხასიათის დაზიანებები აღენიშნებათ, მაინც მედიკოსების მეთვალყურეობის ქვეშ უნდა იმყოფებოდნენ.
"არ არის გამორიცხული, ერთ-ერთმა მათგანმა კლინიკა დატოვოს დღეს, დანარჩენები კი ხვალამდე დარჩებიან სამედიცინო დაწესებულებაში. რაც შეეხება სხვა დაშავებულებს, მათაც მოვინახულებ და მოგახსენებთ", - განაცხადა სერგეენკომ.
შეგახსენებთ, მეტრო "ვარკეთილში" დღეს, 30 იანვარს, 10:30 წუთზე შეკიდული ჭერი ჩამოინგრა. ამჟამინდელი მონაცემებით, დაშვებულია 11 ადამიანი.
