Paradise Papers - ანუ ახალი ფინანსური სკანდალი, რომლის გამოვლენაშიც 100-მდე მედიაორგანიზაცია მონაწილეობდა ცხადყოფს, თუ როგორ იყენებენ მდიდარი და ძლევამოსილი ადამიანები ნდობას გადასახადების დამალვისა და ფინანსური საიდუმლოებებისთვის.
ჟურნალისტური გამოძიებების საერთაშორისო კონსორციუმის (ICJI) მიერ გავრცელებულ მასალებში მსოფლიოს სხვა მოქმედ და ყოფილ ლიდერებთან ერთად ბრიტანეთის დედოფალი ელისაბედ მეორეც ფიგურირებს.
აღსანიშნავია, რომ დოკუმენტების უმრავლესობა უკავშირდება ბერმუდის კუნძულებზე მდებარე იურიდიულ ფირმა Appleby-ს, რომელიც გავრცელებული ცნობების რეალურობას უარყოფს, მაგრამ კითხვებზე პასუხისთვის მზადყოფნას გამოთქვამს, და დასძენს, რომ შეცდომებზე სწავლას ცდილობენ.
Paradise Papers-ის მიხედვით დედოფალ ელისაბედ მეორის კერძო ქონებიდან მილიონობით ფუნტი სტერლინგი ოფშორში რეგისტრირებულ, კაიმანის კუნძულების ფონდში გადაირიცხა.
ასევე, ოფშორულ გარიგებებში მონაწილეობენ აშშ-ის პრეზიდენტ დონალდ ტრამპის მრჩევლები, მინისტრთა კაბინეტის წევრები და დონორები, კანადის პრემიერ-მინისტრის მთავარი მრჩეველი და ა.შ.
ამავდროულად, ურთიერთკავშირში იმყოფებიან აშშ-ის ბიზნესის კომერციული მდივანი უილბორ როსი და ვლადიმერ პუტინის სიძის კომპანიები.
მასალებში ასევე საუბარია, რომ Twitter- მა და Facebook- მა ასობით მილიონი დოლარი მიიღეს ინვესტიციების სახით, რომლებიც შეიძლება უკავშირდებოდეს რუსეთის სახელმწიფო ფინანსურ ინსტიტუტებს.
Paradise Papers-ში ნახსენებია ამერიკელი პოპ-ვარსკვლავი მადონა, პოლ დევიდ ჰიუსონი - ბონო და ა.შ.
აღსანიშნავია, რომ ინფორმაცია თავდაპირველად გერმანულმა გაზეთმა, Süddeutsche Zeitung-მა მოიპოვა და ICJI-ს გადასცა. საგამოძიებო პროცესებში ასევე მონაწილეობდა Guardian-ი.
Paradise Papers-ის მასალების დარჩენილი ნაწილი კვირის განმავლობაში გასაჯაროვდება.
