"არ არსებობს კოლექცია, რომელიც ჩვენთვის ხელმიუწვდომელი იქნება", - ამის შესახებ საქართველოს კულტურის, ძეგლთა დაცვისა და სპორტის მინისტრმა ნიკოლოზ რურუამ სახელმწიფო გალერეის სამი რეაბილიტირებული საგამოფენო დარბაზის დათვალირების შემდეგ განაცხადა.
"დღეს ხდება გალერეის პროტოტიპის პრეზენტაცია. იმის ჩვენება, თუ როგორ იქნება გალერეა და რომელიც 7 წელია დაკეტილია და საბედნიეროდ სექტემბერში გაიხსნება. აქ ჩამოვა უცხოური კოლექციები, ჩვენი კულტურის საგანძურები გამოიფინება", - განაცხადა რურუამ.
მისი განცხადებით, ასევე რამდენიმე ინოვაცია, რომელიც აქამდე მუზეუმებში არ ყოფილა. გაიხსნება სუვენირების მაღაზია და კაფე.
"ეს იქნება ევროპული ტიპის გალერეა, რომელსაც ექნება საშუალება ჩამოიტანოს მსოფლიოში საუკეთესო ნამუშევრები. არ არსებობს კოლექცია, რომელიც ჩვენთვის ხელმიუწვდომელი", - აღნიშნა კულტურის მინისტრმა.
მისი თქმით, სახელმწიფო გალერეას "ცისფერი გალერეა" არასდროს რქმევია და ის კომუნისტების დროს შერქმეული სახელია.
