ცენტრალური საარჩევნო კომისიის თავმჯდომარემ ზურაბ ხარატიშვილმა იმედი გამოთქვა, რომ ცესკოში შესული საჩივრების რაოდენობა მცირე იქნება.
"არჩევნებმა მშვიდ გარემოში ჩაიარა და განსაკუთრებული დარღვევები არ დაფიქსირებულა. ამის გათვალისწინებით, კი იმედი მაქვს, რომ საჩივრების რაოდენობა მცირე იქნება. ამ დროისთვის კენჭისყრის შედეგების დათვლა მიმდინარეობს და წინასწარი მონაცემების შესახებ ინფორმაციას 03:00 საათზე მოგაწვდით", - განაცხადა პრესკონფერენციაზე ხარატიშვილმა.
შეგახსნებთ, რომ თვითმართველობის არჩევნებში მთელი საქართველოს მასშტაბით 3 544 770 ამომრჩველიდან 1 808 556 ადამიანმა მიიღო კენჭისყრასი მონაწილება, რაც საერთო მონაცების 51%-ს შეადგენს, თუმცა აღნიშნული მონაცემები შესაძლოა მცირედ კიდევ შეიცვალოს.
