თბილისის მერის გიგი უგულავას შეფასებით, ქართველი ხალხისთვის დამოუკიდებლობის დღე ყველაზე მნიშვნელოვანი დღესასწაულია. ამის შესახებ ჟურნალისტებს თბილისის მერმა "ყვავილების ფესტივალზე" განუცხადა.
"მინდა ყველას მივულოცო დამოუკიდებლობის დღე, რადგან ეს არის საქართველოში მცხოვრები მოსახლეობისთვის ყველზე მნიშვნელოვანი დღე, რომლის გარეშეც თავისუფლება არ არსებობს", - აღნიშნა უგულავამ.
მისი შეფასებით, ყვავილების ფესტივალი უკვე 5 წელია ტარდება და რიყის სივრცის სრული ათვისების შემდეგ ის უფრო მასშტაბური გახდება.
"ყოვლწლიურად ფესტივალში უფრო მეტი კომპანია ერთვება, რაც ნიშნავს, რომ ეს სფერო გამოცოცხლდა, რაც უფრო მეტ სამუშაო ადგილს ნიშნავს", - აღნიშნა უგულავამ.
