სრულიად საქართველოს კათალიკოს-პატრიარქმა, უწმინდესმა და უნეტარესმა ილია მეორემ სამთავისისა და გორის ეპარქიაში ვიზიტი დაასრულა. პატრიარქმა შიდა ქართლში სტუმრობისას, კარალეთის ეკლესიის მოძღვარს, მამა ღვთისოს დეკანოზის ხარისხი უბოძა, ხოლო სამთავისისა და გორის ეპისკოპოსი მეუფე ანდრია უწმინდესის გადაწყვეტილებით მიტროპოლიტი გახდა.
უწმინდესმა ვიზიტი გორის რაიონის სოფელ კარალეთიდან დაიწყო და სოფელში არსებულ ტაძარს, ასევე მის მიმდებარე ტერიტორიაზე ახლად გახსნილ კულტურისა და სულიერების ცენტრს ესტუმრა. ამის შემდეგ გორში, ვერხვების დასახლებაში, ცხინვალის რეგიონიდან დევნილი მოსახლეობას შეხვდა და წმინდა ნინოს სახელობის ეკლესია მოილოცა. პატრიარქი გორში, საკათედრო ტაძარშიც იმყოფებოდა და იქ არსებული კულტურისა და სულიერების ცენტრიც დაათვალიერა.
