"კონსერვატიული პარტიის" ლიდერი და თბილისის მერობის კანდიდატი ზვიად ძიძიგური ტელეკომპანია "კავკასიაში" დაპატიმრებული 7 ადამიანის გათავისუფლებას მოითხოვეს და მართლმსაჯულების წინაშე პასუხისმგებლობას იღებს, რომ ეს ადამიანები გამოძიებას არ დაემალებიან. ამის შესახებ "ეროვნული საბჭოს" თბილისის მერობის კანდიდატმა დღეს, "კონსერვატორების" ოფისში გამართულ პრესკონფერენციაზე განაცხადა.
ძიძიგურის განმარტებით, აღნიშნული პირები მართლმადიდებლები არიან და ისინი თავის დროზე თავისუფლების ინსტიტუტს, გეი-პარადების ჩატარების იდეას და სხვა მისი თქმით, ამორალურ სუბიექტებს თავგამოდებით ებრძოდნენ. ამიტომ, ძიძიგურის განცხადებით, ეს ადამიანები დაკავების ნაცვლად, უნდა დაეჯილდოებინათ.
მისივე თქმით, "კავკასიაში" მომხდართან დაკავშირებით, დაპატიმრება აუცილებელი არ იყო და პრობლემა სხვა გზითაც გადაწყდებოდა.
