თბილისის საქალაქო სასამართლოს მოსამართლემ, ზვიად ცეკვავამ გიგი უგულავა 5 000 ლარით დააჯარიმა.
შსს გიგი უგულავას ადმინისტრაციულ სამართალდარღვევათა კოდექსის 174-ე პრიმა მუხლის მე-4 ნაწილით, 17 იანვარს, პარლამენტთან აქციაზე სატრანსპორტო ზოლის ხელოვნურად გადაკეტვას ედავებოდა.
გიგი უგულავას ედავებოდნენ თბილისი მოლთან გზის გადაკეტვასაც - ის 4 თებერვალს სისხლის სამართლის კოდექსის 19-222-ე მუხლით დააკავეს, რაც სტრატეგიული ან განსაკუთრებული მნიშვნელობის ობიექტის ჯგუფურად ბლოკირების მცდელობას გულისხმობს.
5 თებერვალს სასამართლომ გიგი უგულავას და მასთან ერთად დაკავებულ კიდევ 7 პირს გირაო შეუფარდა.
ფოტო: მთავარი არხი
