აშშ-ის პრეზიდენტის დონალდ ტრამპის ადმინისტრაცია განიხილავს შეერთებული შტატების საკონსულოების ნაწილის დახურვას მთელი მსოფლიოს მასშტაბით. ინფორმაციას NBC News-ი ავრცელებს წყაროზე დაყრდნობით.
ტელეარხის ინფორმაციით, საკონსულოების დახურვის მიზანია აშშ-ის სახელმწიფო დეპარტამენტის ხარჯების შეკვეცა.
იტყობინებიან, რომ განიხილება საკონსულოების დახურვა ევროპაში, კანადაში, მექსიკასა და წყნარი ოკეანის კუნძულებზე.
წყაროების ინფორმაციით, ევროპაში საკონსულოების უმეტესობა, რომლებიც შესაძლოა დახურვის საფრთხის წინაშე აღმოჩნდნენ, გერმანიასა და საფრანგეთში მდებარეობს.
მათივე ცნობით, სახელმწიფო დეპარტამენტმა საკონსულოებს სთხოვა ინფორმაცია მათი საერთო ოპერაციების შესახებ.
იუწყებიან, რომ საკონსულოების დახურვის საკითხი თავად დონალდ ტრამპმაც განიხილა, მაგრამ გადაწყვეტილება ჯერ არ მიუღია. შესაძლო დახურვის დრო ასევე ჯერ არ არის დადგენილი.
