საქსტატის აღმასრულებელი დირექტორი ზაზა ჭელიძე ევროპის კავშირის სტატისტიკური სამსახურის, ევროსტატის წარმომადგენელ იოლანტა შჩერბინსკს შეხვდა.
ჭელიძემ ევროსტატის წარმომადგენელს გააცნო ბოლო პერიოდში საქსტატში განხორციელებული ცვლილებები.
შეხვედრაზე განიხილეს საქსტატსა და ევროსტატს შორის შემდგომი თანამშრომლობის შესაძლო მიმართულებები. შჩერბინსკამ აღნიშნა, რომ ევროკავშირი დიდ მნიშვნელობას ანიჭებს პარტნიორ ქვეყნებში, კერძოდ, საქართველოში ოფიციალური სტატისტიკის განვითარების საკითხებს. მან აღნიშნა, რომ დროული და სანდო სტატისტიკური ინფორმაციის არსებობა ორი მხარის მრავალმხრივი თანამშრომლობის განმტკიცების აუცილებელ პირობას წარმოადგენს.
მხარეები შეთანხმდნენ, რომ განიხილავენ კონკრეტულ წინადადებებს ევროკავშირის სამეზობლო პოლიტიკის ფარგლებში თანამშრომლობისთვის.
