შეერთებული შტატებისა და მისი უახლოესი მოკავშირეების დაზვერვა ვარაუდობს, რომ რუსეთის პრეზიდემტი ვლადიმირ პუტინი უარს არ ამბობს მიატოვა უკრაინის დაპყრობაზე. ინფორმაციას NBC News ამერიკელ ოფიციალურ პირებზე დაყრდნობით ავრცელებს.
NBC News-ის ექვსივე წყარო ამბობს, რომ ამჟამინდელი დაზვერვა ვარაუდობს, რომ პუტინს ჯერ კიდევ სჯერა, რომ მას შეუძლია დაღალოს უკრაინა და ევროპა, რათა საბოლოოდ დაიკავოს უკრაინის მთელი ტერიტორია.
კონგრესის ერთ-ერთი წყაროს თქმით, აშშ-ის დაზვერვა ვარაუდობს, რომ პუტინი დაინტერესებული არ არის რეალური სამშვიდობო შეთანხმებით.
დასავლური დაზვერვის წყარო აღნიშნავს, რომ პუტინი ფიქრობს, რომ იმარჯვებს, მიუხედავად იმისა, რომ რუსეთს მნიშვნელოვანი დანაკარგები აქვს ბრძოლის ველზე.
NBC News-ის წყაროები თანხმდებიან, რომ რუსი დიქტატორი, შესაძლოა დათანხმდეს „ცეცხლის შეწყვეტას“ უკრაინაში, რადგან ეს მის არმიას აღსადგენად დროს მისცემს.
ისინი სკეპტიკურად აფასებენ პუტინის მზადყოფნას დაამყაროს ნამდვილი მშვიდობა, მაგრამ აღნიშნავენ, რომ მას შეუძლია გამოიყენოს „სამშვიდობო მოლაპარაკებები“, რათა დაინახოს თუ რა დათმობების მიღება შეუძლია, ასევე შეძლებს თუ არა დაუბრუნდეს საერთაშორისო ასპარეზს.
NBC News-ის წყაროები ასევე მიიჩნევენ, რომ პუტინი არ აპირებს თავისი ჯარების უკრაინიდან გაყვანას ან რაიმე ფორმირებისა თუ აღჭურვილობის გაყვანას დასავლეთ რუსეთიდან.
