მისი თქმით, გასულ წელს ბიუჯეტში საგადასახადო შემოსავლების შემცირება ორჯერ განხორციელდა. აღსანიშნავია ის, რომ შემოსავლების დაგეგმვის პარალელურად თავიდან ხარჯებიც იგეგმება. შემდეგ კი, როცა შემოსავლები მცირდება, ხარჯების შემცირება რთულია.

"შესაბამისად ჩნდება საგარეო ვალდებულების აღების საჭიროება ჩნდება. 2009 წელს ამ მხრივ ზრდა საკმაოდ დიდი იყო. არასწორი პროგნოზირება ქმნის მსგავს პრობლემებს. საგარეო ვალის მოცულობით კრიტიკულ ზღვარს არ გადაგვიჭარბებია, მაგრამ ზრდა საკმაოდ დიდია", - განაცხადა მურღულიამ.

ამასთან, მისი თქმით, საქართველოს 2013 წელს ევრობონდების ვალის დასაფარად ახალი ვალდებულებების აღება მოიწევს.

"გაუგებარია, როცა ბიუჯეტის პროფიციტი იყო, რატომ ავიღეთ ევრობონდების ვალი 7.5 პროცრნტად, ეს ნამდვილად არ არის იაფად მიღებული რესური მსოფლიო ბაზარზე. ევრობონდების თანხის დასადარად აუცილებლად მოგვიწევს ახალი ვალდებულების აღება, რადგან 800 მლნ ლარზე მეტი იქნება გადასახდელი, რაც ეხლანდელი ბიუჯეტის დაახლოებით 22 პროცენტია. არამგონია 2013 წელს იმხელა ბიუჯეტი გქვონდეს, რომ ამ თანხის გასტუმრება სხვა ვალდებულების აღების გარეშე შევძლოთ", - განაცხადა ექსპერტმა.