დღეს, 16 მაისს, ევროპიის სახლში გამართული დებატებით საქართველოში ევროპის დღეები დაიხურება.
ევროპის დღეების ფარგლებში გამართული ღონისძიებებისას, 7 მაისს, ევროპულ სკოლაში "ევროპის კუთხე" გაიხსნა, 8 მაისს, თბილისის ივანე ჯავახიშვილის სახელობის სახელმწიფო უნივერსტეტში გაიმართა სტუდენტური კონფერენცია - "აღმოსავლეთ პარტნიორობის სოციალური და ეკონომიკური ასპექტები"; 11 მაისს საქართველოში ევროკავშირის წარმომადგენლობის სახელით მიღება გაიმართა, ხოლო 15 მაისს ევროპიის სახლში დებატები გაიხსნა, რომელშიც მონაწილეობა საქართველოს პრეზიდენტმა მიზეილ სააკაშვილმა და პოლონეთის ექს-რეზიდენტმა ალექსანდ კვასნევსკიმ მიიღეს;
საქართველოში ევროპის დღე 2004 წლიდან აღინიშნება.
ევროპის დღის აღნიშვნის საფუძვლად ორი წყარო უდევს.
1950 წლის 9 მაისს საფრანგეთის საგარეო საქმეთა მინისტრი რობერ შუმანი პარიზში გამოვიდა განცხადებით, სადაც მან წამოაყენა ევროპული ინტეგრაციის იდეა.
შესაბამისად, 9 მაისი აღინიშნება როგორც ევროპის კავშირის დაბადების დღე.
მისი განხორციელება დაიწყო 1951 წელს, როდესაც შეიქმნა ქვანახშირისა და ფოლადის ევროპული გაერთიანება 6 ქვეყნის (საფრანგეთი, გერმანია, იტალია, ნიდერლანდი, ბელგია, ლუქსემბურგი) მონაწილეობით.
სხვა წყაროების თანახმად, ევროპის გაერთიანების დღედ 5 მაისსაც თვლიან, რადგან 1949 წლის 5 მაისს ლონდონში ხელი მოეწერა ევროპის საბჭოს ევროპის საბჭოს წესდებას. იგი ძალაში შევიდა იმავე წლის 3 აგვისტოს და დღეისათვის ევროპის ყველაზე წარმომადგენლობით საკონსულტაციო ორგანიზაციად ითვლება.
ევროპის საბჭოში 50-ზე მეტი ქვეყანაა გაერთიანებული, მათ შორის არის საქართველო.
