"ოპელის" მარკის ავტომანქანა ბარათაშვილის ხიდიდან გადავარდა
გუშინ ღამით, "ოპელის" მარკის ავტომანქანა ბარათაშვილის ხიდიდან გადავარდა. ავტომანქანა სანაპიროზე ჩავარდა და ცეცხლი გაუჩნდა. "ოპელის" სალონში 4 ადამიანი იმყოფებოდა. მათ მანქანიდან გადმოსვლა დროულად მოახერხეს და სიკვდილს გადაურჩნენ.
თბილისის 1-ელ კლინიკურ საავადმყოფოში, მხოლოდ ორი მათგანი გადაიყვანეს. აქედან ერთის მდგომარეობა მძიმეა. ექიმების განცხადებით, დაშავებულების სიცოცხლეს საფრთხე არ ემუქრება.
წინასწარი ინფორმაციით, მძღოლი ნასვამი იყო.
ადგილზე მობილიზებული იყო სამაშველო სამსახურისა და საპატრულო პოლიციის ბრიგადები.
