ტრაგედია ჩხოროწყუს მუნიციპალიტეტში - სოფელ ხაბუმეში, საცხოვრებელ სახლში გაჩენილ ხანძარს დედა-შვილის სიცოცხლე ემსხვერპლა.
არსებული ინფორმაციით, საცხოვრებელ სახლში ხანძარი გამთენიისას გაჩნდა.
ადგილზე სამაშველო სამსახური და პოლიცია იყო მობილიზებული. ამ დრომდე ხანძრის გამომწვევი მიზეზი უცნობია.
მომხდარზე გამოძიება 188-ე მუხლით მიმდინარეობს, რაც ნივთის დაზიანებას ან გაუფრთხილებლობით განადგურებას გულისხმობს.
