საფრანგეთის პრეზიდენტმა ემანუელ მაკრონმა განაცხადა, რომ ევროპამ უნდა იპოვოს გზა რუსეთის პრეზიდენტ ვლადიმირ პუტინთან პირდაპირი დიალოგის განახლებისთვის.
ეს განცხადება საფრანგეთის ლიდერმა პარასკევს, 19 დეკემბერს, ბრიუსელში გააკეთა.
მაკრონის თქმით, მოსკოვთან მოლაპარაკებებისთვის შესაფერისი ფორმატის პოვნა ევროპული ქვეყნების ინტერესებშია.
„ან გრძელვადიანი მშვიდობა იქნება მიღწეული მიმდინარე მოლაპარაკებების ფარგლებში, ან ჩვენ ვიპოვით გზებს, რათა ევროპელებმა განაახლონ დიალოგი რუსეთთან - ღიად და უკრაინასთან თანამშრომლობით“, - განაცხადა მაკრონმა.
როგორც მედია აღნიშნავს, საფრანგეთის პრეზიდენტი იმ მცირერიცხოვან ევროპელ ლიდერთაგან ერთ-ერთია, რომლებიც პუტინთან სატელეფონო კონტაქტს ინარჩუნებენ. ბოლო ასეთი საუბარი ივლისში შედგა.
