საქართველოს პრემიერ-მინისტრ ირაკლი ღარიბაშვილის ხელმძღვანელობით,დღეს მთავრობის კანცელარიაში ქართულ-ებრაული 26 საუკუნოვანიმეგობრობის იუბილის აღნიშვნის საორგანიზაციო კომისიის სხდომა გაიმართა.
სხდომის დაწყებამდე საქართველოს პრემიერ-მინისტრმა კომისიის თანათავმჯდომარეს, ცნობილ სპორტულ კომენტატორს ჯამლეტ ხუხაშვილსბრწყინვალების საპრეზიდენტო ორდენი გადასცა.
„დღეს სწორედ მე მხვდა პატივი საჯაროდ გადმოგცეთ ბრწყინვალების საპრეზიდენტო ორდენი, რომელიც ტელე-რადიო ჟურნალისტიკაში თქვენი ხანგრძლივი და თავდაუზოგავი შრომისა და ქართული სპორტის წინაშე გაწეული დამსახურებისთვის მოგენიჭათ. გილოცავთ ამ საპატიო ჯილდოს მიღებას! ეს არის ჩვენი ქვეყნის წინაშე თქვენი დიდი დამსახურების კიდევ ერთი აღიარება, გისურვებთ ჯანმრთელობას, ბედნიერებას, დღეგრძელობას, კიდევ ბევრი წელი შეგძლებოდეთ ნაყოფიერი მუშაობა და საქართველოს სამსახურში ყოფნა,"-აღნიშნა ირაკლი ღარიბაშვილმა.
კომისიის წევრებმა საიუბილეო ღონისძიებებზე იმსჯელეს. სხვადასხვა კულტურული და სპორტული ღონისძიებების გარდა, დაგეგმილია ებრაელთა ისტორიის ეროვნული მუზეუმის გახსნა, ასევე საქართველო-ისრაელის ბიზნესფორუმის ჩატარება.
ქართულ-ებრაული 26 საუკუნოვანი მეგობრობის იუბილე 2014 წლის 20-22 ოქტომბერს გაიმართება.