საგანგებო და გადაუდებელი სიტუაციების რაიონული განყოფილების უფროსი ტიტე ჯინჭარაია პროფკავშირების ხელმძღვანელს ირაკლი პეტრიაშვილსა და მოშიმშილე მეხანძრეებს ბრალდებებს უყენებს. აის შესახებ ჯინჭარაიამ დღეს მოწყობილ პრესკონფერენციაზე ისაუბრა.
,,მინდა საზოგადოებას ვუთხრა პეტრიაშვილი ვის მხარეს იჭერს და რომელ ხალხზე წაგვიყენა სამსახურში უპირობოდ დაბრუნების მოთხოვნა", _ განაცხადა ჯინჭარაიამ და მოშიმშილე მეხანძრეებთან დაკავშირებული რამდენიმე მაგალითი დაასახელა.
ჯინჭარაიას თქმით, ერთ-ერთ მოშიმშილე მეგრელიშვილს რამდენიმე დანაშაული აქვს ჩადენილი.
"მაქვს დისკი და ბრძანება რის გამოც არის გათავისუფლებული სამსახურიდან. Aამ მაშველს ქალაქის მოსახლეობასთან ინცინდენტი მოუხდა. 112-ში შევიდა შეტყობინება, რომ მაშველები იყენებენ უცენზურო სიტყვებს და არ ასრულებენ დაკისრებულ მოვალეობებს. მეგრელიშვილს ჰქონდა გამოძახება, მიცვალებულზე რომელიც ნაპოვნი იყო ბინაში, რაზეც მეგრელიშვილმა უარი განაცხადა იმ მიზეზით რომ მას ეს საქმე არ ეხებოდა. ასეთი ადამიანების გვერდით დგას პეტრიაშვილი და მისი ჯგუფი", _ აცხადებს ჯინჭარაია და აღნიშნავს, რომ მას მსგავსი დანაშულის მამხილებელი ფაქტები სხვა მოშიმშილე მეხანძრეების მიმართაც აქვს.
