2013 წელს, საქართველოს საზღვაო ტრანსპორტის მიერ გადაზიდული ტვირთის მოცულობა 21,9 მლნ. ტონას გაუტოლდა, რაც 0,4%-ით აღემატება წინა წლის ანალოგიურ მაჩვენებელს.
2013 წელს, საქართველოს ტრანსპორტის დარგების მიერ გადამუშავებულმა სატვირთო გადაზიდვების მოცულობამ, ჯამში 69,5 მლნ. ტონა შეადგინა. აღნიშნულ წელს, საქართველოს სახმელეთო ტრანსპორტის სატვირთო გადაზიდვების მოცულობამ 47,6 მლნ. ტონა შეადგინა.
2013 წლის იანვარ-დეკემბერში, წინა წლის ამავე პერიოდის მაჩვენებელთან შედარებით, 1,1% არის გაზრდილი საგზაო ტრანსპორტის სატვირთო გადაზიდვების მოცულობა და 29,4 მლნ. ტონას შეადგენს.
2013 წელს, საქართველოს ტრანსპორტის დარგების მიერ გადამუშავებულმა სატვირთო გადაზიდვების 42% საგზაო ტრანსპორტზე მოდის, მას მოჰყვება საზღვაო ტრანსპორტი - 32% და რკინიგზა - 26%.
აღნიშნულ პერიოდში, ბათუმის საზღვაო ნავსადგურმა 8,3 მლნ. ტონა, ხოლო ფოთის საზღვაო ნავსადგურმა 7,4 მლნ. ტონა ტვირთი გადაზიდა.
2013 წელს, საქართველოს სახმელეთო ტრანსპორტის მიერ 349,2 მლნ. მგზავრი იქნა გადაყვანილი, რაც 3%-ით მეტია წინა წლის ამავე მაჩვენებელთან შედარებით.