ქალაქის მასშტაბით საცხოვრებელი კორპუსებისა და შენობა-ნაგებობებისთვის ნუმერაციის აღმნიშვნელი აბრების მონტაჟი მიმდინარეობს. ობიექტებზე დანომრილი აბრების გაკეთება თბილისის მერიამ გასული წლის ნოემბრიდან დაიწყო. ამ ეტაპზე უკვე დასრულებულია ისტორიული და რეაბილიტირებული უბნების ნუმერაცია. დღეს შესაბამისი ნომერის აღმნიშვნელი წარწერა ვარკეთილის მეოთხე მიკრორაიონში მდებარე საცხოვრებელ კორპუსებს გაუკეთდა. სამუშაო პროცესს სამგორის რაიონის გამგებელი და გიგი უგულავა დაესწრნენ.