დღეს, 24 იანვარს საქართველოს საკონსტიტუციო სასამართლოში გაიმართა განმწესრიგებელი სხდომა ავსტრიის მოქალაქე მათიას ჰუტერის კონსტიტუციური სარჩელის არსებითად განსახილველად მიღების საკითხის გადასაწყვეტად. მოცემულ საქმეზე მოპასუხეს წარმოადგენს საქართველოს პარლამენტი.მოსარჩელე მოითხოვს „სასოფლო-სამეურნეო დანიშნულების მიწის საკუთრებისშესახებ" საქართველოს კანონის22-ე მუხლის მე- 3 პუნქტის არაკონსტიტუციურად ცნობას, რომლის მიხედვითაც, 2014 წლის 31 დეკემბრამდე უცხოელს, ასევე უცხოელის მიერ საზღვარგარეთ ან საქართველოში რეგისტრირებულ იურიდიული პირს, არა აქვს უფლება საკუთრებაში ჰქონდეთ სასოფლო-სამეურნეო დანიშნულების მიწა.
საკონსტიტუციო სასამართლოს ინფორმაციით, მოსარჩელეს მიაჩნია, რომ გასაჩივრებული ნორმა სასოფლო-სამეურნეო დანიშნულების მიწის საკუთრების განსხავავებულ რეჟიმს ადგენს საქართველოს მოქალაქეებსა და უცხო ქვეყნის მოქალაქეებთან მიმართებით, რაც ეწინააღმდეგება საქართველოს კონსტიტუციის 21-ე მუხლს (საკუთრების უფლება)და მე-14 მუხლს (თანასწორობის უფლება). მოსარჩელე თვლის, რომ საქართველოს კონსტიტუციის თანახმად, საკუთრების უფლება გააჩნია ყველას, მათ შორის უცხოქვეყნის მოქალაქესაც, ხოლო სადავო ნორმა დისკრიმინაციულია, იგი გაუმართლებლად, საზოგადოებრივი საჭიროების არსებობის გარეშე ზღუდავს სასოფლო-სამეურნეო დანიშნულიების მიწის ფლობის, მათ შორის მემკვიდრეობით მიღების შესაძლებლობას.
გარდა ამისა, მოსარჩელე მიუთითებს, რომ საკონსტიტუციო სასამართლომწარსულში უკვე იმსჯელა სადავო ნორმის შინაარსის მსგავს ნორმაზე და მასშიმოცემული აკრძალვა 2012 წლის 26 ივნისის N1/3/512 გადაწყვეტილებით არაკონსტიტუციურად სცნო.
შესაბამისად, მოსარჩელე აყენებს შუამდგომლობას,საკონსტიტუციო სასამართლომ საქმის არსებითი განხილვის გარეშე, განჩინებითკონსტიტუციასთან შეუსაბამოდ სცნოს და ძალადაკარგულად გამოაცხადოს სადავო ნორმა. ამასთანავე, მათიას ჰუტერი თვლის, რომ სადავო ნორმის მოქმედებამ შესაძლოა მისი კონსტიტუციურ უფლებებთან დაკავშირებით გამოიწვიოსგამოუსწორებელი შედეგები, ამიტომაც იგი დამატებით აყენებს შუამდგომლობას,საქმეზე საბოლოო გადაწყვეტილების მიღებამდე, საკონსტიტუციო სასამართლომშეაჩეროს სადავო ნორმის მოქმედება.
