ეკონომიკის მინისტრი გიორგი კვირიკაშვილი უარყოფს ინფორმაციას იმის შესახებ, რომ შესაძლოა მან დედაქალაქის მერის არჩევნებში იყაროს კენჭი.
კვირიკაშვილის თქმით, მერის პოსტზე კენჭისყრა მისი პროფესიული გამოცდილებიდან სეროზული გადახვევა იქნება და ამ მიმართულებით არანაირი ნაბიჯების გადადგმას არ გეგმავს.
"არანაირი გეგმები ამის შესახებ არ მაქვს, ეს არის სრული აბსურდი და არანაირი სურვილი და გეგმები რომ რაიმე ამ მიმართულებით ვიფიქრო ჩემს კარიერაზე, ნამდვილად არ გამაჩნია. მეტსაც გეტყვით, ჩემი პროფესიონალური კარიერიდან ეს ძალიან სერიოზული გადახვევა იქნებოდა და აქედან გამომდინარე, ამის სურვილი არნაირად არ გამაჩნია,"- განაცხადა გიორგი კვირიკაშვილმა.
