დავით კეზერაშვილის ადვოკატისთვის უცნობია რის საფუძველზე მოხდა მისი დაცვის ქვეშ მყოფის დაკავება.
როგორც შოთა მინდელმა "ჯი-ეიჩ-ენთან" საუბრისას განმარტა, არც კეზერაშვილის დაკავებასთან და არც იმ გავრცელებულ ცნობასთან, რომლის თანახმად, ამ წუთებში საფრანგეთში მისი დაცვის ქვეშ მყოფის სასამართლო პროცესი მიმდინარეობს, ინფორმაციას არ ფლობს.
ადვოკატის თქმით, აღნიშნულთან დაკავშირებით ოფიციალურ განცხადებას ინფორმაციის გადამუშავების შემდეგ, სავარაუდოდ, დღის ბოლოს გააკეთებს.
ამასთან, მინდელის თქმით, ამ ეტაპზე არსებული ინფორმაციის გათვალისწინებით, ბუნდოვანია რა ვითარებაში დააკავეს კეზერაშვილი, რადგან თავდაცვის ყოფილი მინისტრი საერთაშორისო ძებნაში არ იმყოფებოდა.
ცნობისთვის, საქართველოს შინაგან საქმეთა სმაინისტროს ოფიციალურ ვებ-გვერდზე წითელი ცირკულარით ძებნილთა შორის თავდაცვის ყოფილი მინისტრის დავით კეზერაშვილის შესახებ ინფორმაცია არ იყო განთავსებული.
