რუსეთის მიერ საქართველოს ოკუპაცია იყო საუბრის მთავარი თემა ევროსაბჭოს პოლიტიკური ჯგუფის სხდომაზე, რომელსაც საქართველოს პარლამენტის თავმჯდომარე დავით უსუფაშვილი დაესწრო.
საქართველოს ოარლამენტის თავმჯდომარე ევროპისგან ამ პრობლემის მიმართ სერიოზულ ყურადღებას ითხოვს.
„შეხვედრის ნახევარზე მეტი დაეთმო რუსეთთან ურთიერთობის საკითხებს. კონკრეტულად, საოკუპაციო ზოლის გასწვრივ მიმდინარე მავთულხლართების სამუშაოებს. მე ძალიან მკაფიო სიგნალი მივეცი ჩვენს ევროპელ კოლეგებს და ვაპირებ იგივე გავაკეთო ყველა სხვა პოლიტიკურ ჯგუფთან შეხვედრის დროს ხვალ და ზეგ.
კერძოდ, ყველა ვინც ვაკრიტიკებთ წინა ხელისუფლებას იმაში, რომ 2008 წლის აგვისტოში შეცდომა დაუშვა და მეც ვაკრიტიკებ წინა ხელისუფლებას. ვამბობთ იმას, რომ ის არ უნდა ჩართულიყო შეიარაღებულ კონფლიქტში და უნდა შეეწუხებინა დანარჩენი მსოფლიო.
რომ დანარჩენ მსოფლიოს სხვა გზებითა და საშუალებებით მოეხდინა სათანადო გავლენა რუსეთზე. აი ახლა ჩვენ მივმართავთ ჩვენს ევროპელ კოლეგებს", _ აცხადებს საქართველოს პარლამენტის თავმჯდომარე დავით უსუფაშვილი.