ტურიზმის ეროვნული ადმინისტრაცია ახალ პროექტს იწყებს. ფოტოკონკურსი სახელწოდებით „საქართველო სიცოცხლის ქვეყანა" 3 თვეს გასტანს და ყოველი თვის ბოლოს გამარჯვებული გამოვლინდება.
პროექტი მიზნად ისახავს, ტურიზმის ეროვნული ადმინისტრაციის ფოტობანკის გამდიდრებას და ფოტოგრაფთა წახალისებას.
ადმინისტრაციაში აცხადებენ, რომ ყოველი თვე თემატურად იქნება განაწილებული: ოქტომბერი, "ჩემი თვალით დანახული საქართველო", ნოემბერი, ქართველები „ტიპაჟები". დეკემბერი „ზამთარი". კონკურსში მონაწილეობის მსურველებმა ადმინისტრაციის ოფიციალურ Facebook-ის გვერდზე „Georgia and Travel"-ზე უნდა გამოგზავნონ თავის გადაღებული ერთი ფოტო, რომელიც შემდგომ აიტვირთება Facebook-ის საკონკურსო ალბომში. გამარჯვებული გახდება იმ ფოტოს ავტორი, რომელიც ყველაზე მეტ მოწონებას დაიმსახურებს და საჩუქრად გადაეცემა საგზური 2 ადამიანზე საქართველოს სხვადასხვა კურტორტზე. Rooms Hotel (ყაზბეგი,) Royal Baton ( კახეთი, ყვარელი ) და Marco polo (გუდაური).