"სააკაშვილის ხელისუფლება, მედიის ტოტალური კონტროლის გამო, არაერთხელ გაუკრიტიკებია როგორც ქართულ საზოგადოებას, ისე საერთაშორისო ორგანიზაციებს. ამ კრიტიკის შესარბილებლად პრეზიდენტი სააკაშვილი, პარლამენტში ყოველწლიური ანგარიშით გამოსვლისას, რეგიონული ტელევიზიებისთვის ვალების ჩამოწერის ~ინიციატივით~ გამოვიდა. მოძრაობა ~სამართლიანი საქართველოსთვის~ მიიჩნევს, რომ ხელისუფლება მხოლოდ თვალის ასახვევად თამაშობს თავისუფალ მედიაზე მზრუნველის როლს, სინამდვილეში კი საპირისპირო ნაბიჯებს დგამს. ამის ნათელი მაგალითია ~ტელეარხ 25~-თან დაკავშირებული სკანდალი, რომელიც ამ ტელეკომპანიისთვის არასწორად, უკანონოდ დარიცხული ვალების გამო აგორდა. მედიაზე მზრუნველი მთავრობა რამდენიმე თვის განმავლობაში სამკვდრო-სასიცოცხლო ბრძოლას ეწეოდა ~ტელეარხ 25~-თან ამ ~ვალების~ ამოსაღებად. ტელეკომპანიის გადარჩენა მხოლოდ ოპოზიციური ძალების (მოძრაობა ~სამართლიანი საქართველოსთვის~, ~კონსერვატიული პარტია~, ~ხალხის პარტია~ "ქრისტიან-დემოკრატები") თანმიმდევრული ბრძოლის შედეგად მოხერხდა", - ნათქვამია "მოძრაობის" განცხადებაში.

მოძრაობა ~სამართლიანი საქართველოსთვის~ აცხადებს, რომ არ ენდობა სააკაშვილის ~ინიციატივებს~ და ბოლომდე იბრძოლებს მედიის უფლებების დასაცავად