,,განათლების სამინისტრო პედაგოგებს კვალიფიკაციის ასამაღლებლად ახალ სტრატეგიას შესთავაზებს", _ამის შესახებ მთავრობის სხდომის დასრულების შემდეგ განთლებისა და მეცნიერების მინისტრმა თამარ სანიკიძემ განაცხადა.
მისივე განმარტებით, ის პედაგოგების სასერტიფიკაციო შედეგებით უკმაყოფილოა.
"რაც შეეხება შედეგებს, ნამდვილად არ არის ის შედეგები, რომელიც გვინდოდა, თუმცა არის გარკვეული საგნები, მაგალითად სამოქალაქო განათლება და ისტორია, სადაც პედაგოგებმა შარშანდელთან შედარებით ორჯერ უფრო უკეთესი შედეგი აჩვენეს. რაც შეეხება კონკრეტულად პროექტს, სტრატეგიაზე დიდი ხანია ვმუშაობთ. რვა თვე მის შესწავლას მოვანდომეთ. დადებულია სერიოზული კვლევა, საიდანაც ჩანს, რომ პროცესი არის გადასახედი. გამოვიყენებთ გამოცდების შედეგებს და აქცენტს გავაკეთებთ იმ მიმართულებებზე, სადაც პედაგოგებს უჭირთ. არის კონკრეტული თემები, რომლებიც უნდა დამუშავდეს და მასწავლებლებს შევთავაზოთ ახალი გაუმჯობესებული მოდელი", - აღნიშნა თამარ სანიკიძემ.
