„ოსი ხალხის გაერთიანების შემთხვევაში სამხრეთ ოსეთი თავის თავს რუსეთის ფედერაციის შემადგენლობაში ხედავს", - განცხადება ამის შესახებ ოს სეპარატისტთა ლიდერმა ლეონიდ თიბილოვმა ცხინვალში გამართულ პრესკონფერენციაზე გააკეთა.
მისივე თქმით, 1920-იან წლებში „ოსი ერი გაყვეს სამხრეთ და ჩრდილო ოსეთად - ჩრდილოეთი რუსეთს შეუერთეს, სამხრეთი კი საქართველოს საბჭოთა რესპუბლიკას".
„თითოეული ოსისათვის ხალხის გაერთიანების საკითხი ყველაზე მნიშვნელოვანია. ამისკენ უნდა წავიდეთ და ამ გზაზე პოლიტიკური და იურიდიული წინააღმდეგობები უნდა გადავლახოთ.
გაერთიანება ჩემი პრეზიდენტობის დროს რომ მოხდეს, მაშინ ჩემი ამოცანა შესრულებული იქნება. ასეთ შემთხვევაში სამხრეთ ოსეთი თავის მომავალს რუსეთის ფედერაციის შემადგენლობაში ხედავს", _ განაცხადა თიბილოვმა.
