ნატო-ს გენერალური მდივანი მარკ რუტე ბრიუსელში უკრაინის პრეზიდენტ ვოლოდიმირ ზელენსკის შეხვდა. შეხვედრაზე მხარეებმა, სხვა საკითხებთან ერთად, ენერგეტიკული ზავი და ალიანსის წევრი ქვეყნების მხრიდან უკრაინის მხარდაჭერა განიხილეს.
ამის შესახებ რუტემ სოციალურ ქსელში დაწერა.
ნატო-ს გენერალური მდივნის განცხადებით, საუბარი შეეხო უკრაინის მხარდაჭერას, მათ შორის PURL-ის მექანიზმის მეშვეობით. ეს მექანიზმი უკრაინისთვის ამერიკული შეიარაღებისა და სამხედრო აღჭურვილობის შესყიდვას ითვალისწინებს.
„კარგია, რომ ბრიუსელში პრეზიდენტ ვოლოდიმირ ზელენსკის შევხვდი. ვისაუბრეთ ენერგეტიკული მორატორიუმის ამოქმედების მნიშვნელობასა და ნატო-ს წევრი ქვეყნების მხრიდან უკრაინის უწყვეტ მხარდაჭერაზე, მათ შორის PURL-ის მექანიზმის მეშვეობით“, - წერს რუტე.
დღეს ვოლოდიმირ ზელენსკი სამთავრობო გუნდთან ერთად ბრიუსელში ჩავიდა, სადაც ევროპული საბჭოს სხდომაში მონაწილეობა და პარტნიორებთან მოლაპარაკებები გამართა.
როგორც უკრაინული მედია წერს, 16 ოქტომბერს უკრაინის პრეზიდენტის უნგრეთის პრემიერ-მინისტრ პეტერ მადიართან შეხვედრაც არის მოსალოდნელი.
