,,ძნელი წარმოსადგენია, რომ ბიძინა ივანიშვილმა თანამდებობა საპრეზიდენტო არჩევნებიდან რამდენიმე დღეში დატოვოს", _განაცხადა პარლამენტის ვიცე-სპიკერმა მანანა კობახიძემ „ჯი-ეიჩ-ენთან" საუბარში ბიძინა ივანიშვილის ესტონური გამოცემისთვის მიცემული ინტერვიუს კომენტირებისას.
კობახიძის განცხადებით, ბიძინა ივანიშვილი, მინიმუმ, ოთხი წელი უნდა დარჩეს პოლიტიკაში.
,,ვიდრე ამ ქვეყანაში ჯერ კიდევ ბევრი პრობლემაა მოსაგვარებელი და გადასაწყვეტი, დარწმუნებული ვარ, ბატონი ბიძინა პრემიერ-მინისტრის პოზიციიდან წასვლის შესახებ, გნებავთ საპრეზიდენტო არჩევნების შემდეგ, მიიღებს მაშინ და იმ ეტაპზე, გადაწყვეტილებას, როდესაც ის ჩათვლის, რომ ამისთვის სათანადოა დროა. ყოველ შემთხვევაში, ბიძინა ივანიშვილი თავიდანვე აცხადებდა, რომ დიდი ხნით არ ფიქრობდა პოლიტიკაში დარჩენას და ეს ახალი არ არის. მას შემდეგ, რაც სახელმწიფო გარკვეულ მიჯნაზე წავიდოდა ის სამოქალაქო სექტორში წავიდოდა. არ ვიცი რამდენად იქნება ამისთვის სათანადო დრო საპრეზიდენტო არჩევნების შემდეგ, ჩემთვის ეს რთული წარმოსადგენია", _განაცხადა ,,ჯი-ეიჩ-ენთან" საუბარში მანანა კობახიძემ.
მისივე განცხადებით, მისი სურვლია ბიძინა ივანიშვილი პოლიტიკაში დიდხანს დარჩეს.
,,ჩემი სურვილია ის დიდხანს დარჩეს პოლიტიკაში, მინიმუმ, ოთი წელი მაინც", _განაცხადა მანანა კობახიძემ.
შეგახსენებთ, რომ ბიძინა ივანიშვილი პოლიტიკიდან წასვლას საპრეზიდენტო არჩევნებიდან რამდენიმე დღის შემდეგ გეგმავს. ამის შესახებ პრემიერ-მინისტრმა ესტონური გამოცემა "Postimees"-თან ინტერვიუში განაცხადა.
მასალის გამოყენების პირობები
