ბიძინა ივანიშვილი უშიშროების საბჭოს დღევანდელ სხდომას არ დაესწრება - ეს განცხადება პრემიერ-მინისტრმა დღეს "უნისეფის" მიერ ორგანიზებული ღონისძიების შემდეგ გააკეთა. ბიძინა ივანიშვილმა აღნიშნა, რომ აღნიშნულის მიზეზი ის არის, რომ უშიშროების საბჭოს სხდომაზე განსახილველი თემები საინტერესოდ არ მიაჩნია.
ეროვნული უშიშროების საბჭოს მორიგი სხდომა დღეს, 11 ივნისს, 18 საათზე პრეზიდენტის სასახლეში გაიმართება. სხდომაზე აისაფის საერთაშორისო ოპერაციაში მონაწილე ქართულ შენაერთებზე განხორციელებული თავდასხმისა და ქართველი სამხედროებისა და საქართველოს მოსახლეობის მიმართ მუქარის შემცველი ვიდეო კლიპების გავრცელებისა და მასთან დაკავშირებული უსაფრთხოების საკითხები განიხილება.
