,,მოუწოდებთ საქართველოს გააგრძელოს რეფორმები საკვანძო სფეროებში და უზრუნველყოს წლის ბოლოს საპრეზიდენტო არჩევნების თავისუფლად და სამართლიანად ჩატარება", _ განაცხადა ნატოს გენერალურმა მდივანმა Aანდრეს ფოგ რასმუსენმა ბრიუსელში ნატო-საქართველოს კომისიის სხდომაზე სიტყვით გამოსვლისას და აღნიშნა, რომ ნატო საქართველოში მიმდინარე პროცესებს აკვირდება.
,,ჩვენ დიდი ინტერესით ვაკვირდებით საქართველოში მიმდინარე პროცესებსა და გამოწვევებს. Gგვაქვს მოლოდინი, რომ საქართველოს მთავრობა პატივს სცემს კანონის უზენაესობას, ადამიანის უფლებებს და უმცირესობის უფლებებს", _განაცხადა რასმუსენმა.
მისივე თქმით, საქართველო ნატოს პრივილეგირებული პარტნიორია.
,,საქართველო ნატოს პრივილეგირებული პარტნიორია, ქვეყანა, რომელსაც სურს გახდეს ალიანსის წევრი. ავღანეთის ნატოს ოპერაციაში საქართველოს მინაწილეობა მნიშვნელოვანი. Eეს ქვეყანა ნატოს არაწევრ სახელმწიფოებს შორის ნომერ პირველი კონტრიბუტორია ჩვენ ვაფასებთ საქართველოს აქტიურ მონაწილეობას ნატოს ავღანეთის ოპერაციაში, როგორც წარსულში ისე ახლა ვაფასებთ ქართველი სამხედროების პროფესიონალიზმსა და სიმამაცეს, ასევე, ვწუხვართ, იმ მსხვერპლზე, რომლიც გაწევაც მას მოუწიათ. იმის გათვალისწინებით, რომ საქართველო თავდაცვით რეფორმებს ამ დრომდე ახორციელებს, ეს ძალისხმევა კიდევ უფრო შთამბეჭდავია. Nნატო თანამშრომლობს საქართველოსთან ამ რეფორმების განხორციელებაში და მეკავშირეები მზად არიან საკუთარი გამოცდილების გაზიარებასა და დახმარების აღმოჩენაში", _განაცხადა რასმუსენმა.
