,,კანონდარღვევისთვის დავაპატიმრე საკუთარი მოადგილე, რატომ არ შეიძლება დავაკავოთ ყოფილი პრემიერ-მინისტრი, ან ყოფილი შს მინისტრი თუ გაირკვა, რომ მან კანონი დაარღვია", - განაცხადა შს მინისტრმა ირაკლი ღარიბაშვილმა ბრიუსელში ვიზიტისას ვანო მერაბიშვილის დაკავების კომენტირებისას.
,,ახლა მოსამართლის გადაწყვეტილებაზეა დამოკიდებული დააპატიმრებენ თუ არა მას. ჩვენ საქართველოს მოსახლეობამ აგვირჩია, რომელიც სამართლიანობის აღდგენას მოითხოვს. 2011 წლის 26 მაისს ქუჩაში რამდენიმე ადამიანი დაიღუპა, ვინ უნდა აგოს ამაზე პასუხი? ხალხი გვთხოვს სამართლიანობის აღდგენას. Gგარდაცვლილი ადამიანების მშობლები ქუჩაში არიან გამოსულები და პროკურორთან შეხვედრის მოთხოვნით პროკურატურის წინ რიგში დგანან", _ განაცხადა ღარიბაშვილი.
შეგახსენებთ, რომ სასამართლომ ყოფილ პრემიერსა და შს ყოფილ მინისტრს ვანო მერაბიშვილს ორთვიანი პატიმრობა შეუფარდა.
