ცხინვალის რეგიონთან ე. წ. სამხრეთ ოსეთის ადმინისტრაციული ზოლის გასწვრივ მდებარე სოფლებში არსებული მდგომარეობა, ტერიტორიული მთლიანობის აღდგენის დროებითი კომისიის სხდომაზე განიხილეს. დეპუტატებმა ექსპერტებისგან ის პრობლემები მოისმინეს, რომელიც აღნიშნულ სოფლებში არსებობს.
„უმძიმესი მდგომარეობაა ე.წ. სამხრეთ ოსეთის სოფლებში, არ არის სარწყავი მილების სისტემები. მათ ფაქტობრივად ცხოვრება რუსი მესაზღვრეების ტერორის ქვეშ უწევთ. მე მოვითხოვ შესაბამისმა სამინისტროებმა გააკეთონ ანგარიში, თუ რა ხდება რეალურად აღნიშნულ სოფლებში და მოსახლეობამ გაიგოს დეტალური ინფორმაცია სამხრეთ ოსეთის ოკუპირებულ ტერიტორიებთან არსებულ მდგომარეობაზე" , - განაცხადა საპარლამენტო უმცირესობის წევრმა შოთა მალაშხიამ.