დღეს საგარეო საქმეთა მინისტრი მაია ფანჯიკიძე საქართველოში აკრედიტებულ დიპლომატიური კორპუსის წარმომადგენლებს შეხვდება და ბოლო დღეებში განვითარებულ მოვლენებს დეტალურად გააცნობს. როგორც მაია ფანჯიკიძემ მთავრობის სხდომის დაწყებამდე განაცხადა, საქართველოს მთავრობა დიპლომატიურ არხებს აქტიურად იყენებს იმისათვის, რომ მეგობარმა ქვეყნებმა რუსეთს მოუწოდონ შეწყვიტოს უკანონო ქმედებები.
,,საქართველოს მთავრობამ და საგარეო საქმეთა სამინისტრომ დიპლომატიური ბერკეტების გამოყენებით გუშინწინ დაიწყო პროცედურები და დღემდე გრძელდება. ჩვენ ვიყენებთ ყველა საერთაშორისო ფორუმს იმისათვის, რომ მოვუწოდოთ ჩვენ მეგობარ ქვეყნებს, ხოლო მათ მოუწოდონ რუსეთს, რომ შეწყვიტოს უკანონო ქმედებები. ეს იყო გუშინ სტრასბურგში, ეს იყო ბრიუსელში და ჩვენ ამას ვაკეთებთ თბილისში", - _განაცხადა მაია ფანჯიკიძემ.
