საპარლამენტო უმცირეობის მიერ სესიის დატოვებას უმრავლესობიდან პარლამენტის ვიცე-სპიკერი ზვიად ძიძიგური ეხმიანება. ძიძიგურმა „ჯი-ეიჩ-ენ"-თან საუბრისას განაცხადა, რომ აღნიშნული გადაწყვეტილებით ისინი თავადვე დაზარლდებიან, რადგან საპარლამენტო ტრიბუნას ოპოზიცია აქტიურად უნდა იყენებდეს.
„რა მიზეზით დატოვეს სესიის დარბაზი ეს ჩემთვის უცნობია, თუმცა ეს მათი გადაწყვეტილებაა და მოქმედი კანონმდებლობა აღნიშნულ გადაწყვეტილებასთან შეუსაბამობაში არ მოდის. თუმცა უნდა ხვდებოდნენ რომ, პარლამენტში სესიებზე დასწრება მათთვის არის მნიშვნელოვანი, რადგან საზოგადოების იმ ნაწილს რომელმაც მხარი ნაციონალური მოძრაობას დაუჭირა უნდა სჯეროდეთ, რომ მათ სათქმელს ისინი პარლამენტში დააფიქსირებენ" განაცხადა ზვიად ძიძიგურმა.
შეგახსენებთ, რომ ნაციონალური მოძრაობა გუშინდელ სესიასაც არ ესწრებოდა. პარტიის ლიდერების განცხადეებით, ამის მიზეზი ვანო მერაბიშვილის მხარდასაჭერ აქციაზე ყოფნა იყო.