,,წარმოუდგენელია, ახლა რუსეთისა და საქართველოს წარმომადგენლები ერთმანეთს შეხვდნენ და ღვინისა და კულტურის შესახებ საუბარი წყნარად გააგრძელონ", -განაცხადა ჟურნალისტებთან საგარეო საქმეთა მინისტრმა მაია ფანჯიკიძემ საქართველოში ევროკავშირის ელჩთან ფილიპ დიმიტროვთან შეხვედრის შემდეგ ე.წ. ადმინისტრაციული საზღვრის გადმოწევის ფაქტის კომენტირებისას.
"რასაკვირველია, ამ საკითხზე ყურადღება აუცილებლად გამახვილდება, ოღონდ, რა თქმა უნდა, ამ შეხვედრიდან ამ საკითხის გადაწყვეტას არ ველი", - განაცხადა ფანჯიკიძემ და აღნიშნა, რომ მომხდარი ფაქტის შესახებ ჟენევის მოლაპარაკებების ფარგლებში აუცილებლად განიხილება.