ნაციონალური მოძრაობის გენერალური მდივნის ვანო მერაბიშვილის მისამართით პროკურატურის მიერ ბრალის დამძიმების მოთხოვნას, საპარლამენტო უმრავლესობის ერთ-ერთი ლიდერი მურმან დუმბაძე ეხმაურება. მისი თქმით ვანო მერაბიშვილისთვის ბრალის დამძიმება სავსებით სამართლიანია, რადგან უშუალოდ მისი ბრძანებით 26 მაისს ოთხი ადამინი გარდაიცვალა.
„პროკურატურის ეს განცხადება მეჩვენება ოდნავ დაგვიანებული, რადგან ის რომ ამ ყველაფერში მერაბიშვილი იყო დამნაშავე მე 2011 წლის 26 მაისს განვაცხადე. რგორც მაშინ შინაგან საქმეთა სამინისტრო აცხადებდა 2 ადამიანი გარდაიცვალა. მე თამამად შემიძლია განვაცხადო, რომ გარდაიცვალა 4 ადამიანი, ხოლო 1 აქციის დარბევიდან 8 დღის შემდეგ, გამეტებით ცემის გამო გარდაიცვალა. ვფიქრობ რომ დამნაშავე ამ საქმეში არის შინაგან საქმეთა მაშინდელი მინისტრი ვანო მერაბიშვილი და მან კანონის სრული დაცვით პასუხი უნდა აგოს, ხოლო რაც შეეხება ნაციონალების განცხადებას, რომ პროკურატურის ბრალდებები უსაფუძლოა ეს მტკნარი სიცრუეა" განაცხადა მურმან დუმბაძემ.
შეგახსენებთ, რომ დღეს პროკურატურის განცხადებით ივანე მერაბიშვილს 26 მაისის ღამით აქციის დარბევაში ედება ბრალი.
