გავრცელებულ ინფორმაციას იმის შესახებ, რომ ნაციონალური მოძრაობის პრეზიდენტობის კანდიდატი ზურაბ ჭიაბერაშვილი იქნება, ნაციონალური მოძრაობის ერთ-ერთი ლიდერი მიხეილ მაჭავარიანი, არც უარყოფს და არც ადასტურებს. მისი თქმით შეუძლებელია მან გააკეთოს, განცხადება იმის შესახებ თუ ვინ იქნება ოქტომბერში მათი პრეზიდენტობის კანდიდატი, რადგან მათი პარტიის მდივანი დაკავებულია.
„ვერც ვუარყოფ და ვერც გიდასტურებთ, ჭიაბერაშვილის კანდიდატურას პრეზიდენტობაზე ჩვენი პარტიიდან, რადგან ბოლო კვირის განმავლობაში ჩვენს პარტიას ფაქტობრივად შეყვეტილი აქვს კონსულტაციები, რადგან დაკავებულია გენერალური მდივანი. შესაძლებელია მართლაც დასახელდეს ჭიაბერაშვილი, თუმცა კი ჯერ-ჯერობით ვერ განვაცხადებ", - განაცხადა მიხეილ მაჭავარიანმა.
ცნობისთვის კახეთის გუბერნატორმა ჭიაბერაშვილმა ჟურნალისტებთან განაცხადა, რომ შესაძლებელია ნაციონალური მოძრაობის პრეზიდენტობის კანდიდატი სწორედ ის გახდეს.
