,,ვურჩევდი ირაკლი ღარიბაშვილს გამოკითხვა ჩაატაროს შსს-ში და გაიგოს რა რეაქცია მოჰყვა ყოფილი პოლიციელების დაკავებას თავისსავე თანამშრომლებში", -განცხადა პარტიის ოფისში გამართულ ბრიფინგზე ,,ნაციონალური მოძრაობის" წევრმა დავით საყვარელიძემ ყოფილი პოლიციელების დაკავების კომენტირებისას.
,,არ შეგვიძლია არ გამოვეხმაუროთ იმ შემაშფოთებელ ფაქტს რაც მოხდა საკითხი ეხება პოლიციელების დაკავებას. საერთოდ ქვეყანაში ზოგადად ხდება სამართალდამცავი სისტემის დამსახურებული თანამშრომლების წინააღმდეგ მიმართული კამპანია. დაჭერილია შს სამინისტროს ყოფილი ორი მინისტრი, დაკავებულია ასევე ,,ნაციონალური მოძრაობის" გენერალური მდივანი _ ბიძინა ივანიშვილის მთავარი პოლიტიკური ოპონენტი, რომელიც მიდი პოლიტიკური პატიმარია და ეს ყველაფერი ხდება მაშინ როცა გამოშვებულია 12 000 პატიმარი", _განაცხადა საყვარელიძემ და აღნიშნა, რომ ადამიანების უმრავლესობა ვისთან ერთად დანაშაულის წინააღმდეგ იბრძოდა დღეს დაკავებულია, ან დაკითხვებზე დადის.
,,ტრაგედიაა ის, რომ ადამიანები რომლებიც წლების განმავლობაში ზრუნავდნენ თითოეული ჩვენი მოქალაქის უსაფრთხოებაზე, ქუჩის უსაფრთხოებაზე, კანონიერი ქურდების წინააღმდეგ დღეს მოთავსებული არიან სასჯელაღსრულების დაწესებულებაში, მაშინ როდესაც ყაჩაღები, მძარცველები და მკვლელები გამოშვებულები არიან გარეთ სხვადასხვა პოლიტიკური, თუ არაპოლიტიკური გმირების სარჩულით", -განაცხადა საყვარელიძემ.