პრობლემების გადასაფარად, ნაციონალური მოძრაობის მაღალჩინოსნებს აკავებენ, - განაცხადა კახეთის გუბერნატორმა ზურაბ ჭიაბერაშვილმა ქუთაისის #2 საპრყობილის დატოვების შემდეგ.
„ის ბრალდებები, რომელიც პროკურატურამ სასამართლოს წარუდგინა, ვფიქრობ, რომ აბსურდულია. კოალიცია „ქართული ოცნების" დაპირება ხალხისათვის იყო ის, რომ უმუშევრობის პრობელმას დაძლევდნენ. ესენი კი არ პრობლემების გადასაფარად, ნაციონალური მოძრაობის წევრებს აკავებენ. პროკურატურამ რამდენჯერაც არ უნდა დამიბაროს და სასამართლომ გამასამართლოს „ნაციონალური მოძრაობის" წევრი ვიქნები და „ქართულ ოცნებას" ღიად ყოველთვის გავაკრიტიკებ. მინდა აღვნიშნო რომ მიუხედავად იმისა, წინასწარ იზოლატორში და საპრყობილეში რამდენიმე დღე გავატარე, სამართალდამცავების მხრიდან ჩემზე ფსიქოლოგიური ზეწოლა არ განხორციელებულა", - განაცხადა ზურაბ ჭიაბერაშვილმა.
შეგახსენებთ, რომ ქუთაისის საქალაქო სასამართლომ რამდენიმე საათიანი განხილვის შემდეგ ზურაბ ჭიაბერაშვილს აღმკვეთი ღონისძიების სახით 20-ათას ლარიანი გირაო შეუფარდა. გირაოს გადახდის შემდეგ ჭაიბერაშვილმა საპყრობილე დატოვა.