ყველა ელოდებოდა, რომ ვანო მერაბიშილს დააკავებდნენ, იმიტომ რომ იკვეთებოდა ამ ადამიანის ბრალეულობა, - განცხადება მთავრობის სხდომის დაწყებამდე ენერგეტიკის მინისტრმა ვიცე-პრემიერმა კახა კალაძემ გააკეთა. მისი განმარტებით, სანდრო გირგვლიანის მკვლელობის საქმე ფაქტობრივად გამოძიებულია და ამ ეპიზოდში მერაბიშვილს ბრალს მალე წაუყენებენ.
„უცხო აქ არაფერი არ არის. ყველა ელოდებოდა იმას, რომ ვანო მერაბიშვილს დააკავებდნენ. იმიტომ, რომ იკვეთება ამ ადამიანის ბრალეულობა ორ ეპიზოდში, რომელიც კორუფციულ საქმიანობას შეეხება. გირგვლიანის მკვლეობასთან დაკავშირებით, ფაქტობრივად გამოძიება დასრულებულია. თუმცა ალბათ ბრალს მალე წაუყენებენ. გირგვლიანის საქმის გამოძიება ჩვენი ხელისუფლების მორალური პასუხიმებლობაა", - განაცხადა კალაძემ. მისივე განმარტებით, ის რაც 9 წლის განმავლობაში ხდებოდა აღარასდროს განმეორდება და კანონის წინაშე ყველა თანასწორი იქნება.
