,,ვანუატუს გადაწყვეტილებით რუსეთმა დიპლომატიურ ფრონტზე სერიოზული მარცხი განიცადა", -განაცხადა მიხეილ სააკაშვილმა სპეციალურ მიმართვაში ვანუატუს სახელმწიფოს გადაწყვეტილების კომენტირებისას, რომელსაც პრეზიდენტის ადმინისტრაცია ავრცელებს.
დღეს სერიოზული დიპლომატიური შედეგი იქნა მიღწეული, ახლახან ვანუატუს პრემიერ-მინისტრმა დამიდასტურა მისი გადაწყვეტილების შესახებ, რომ მათ გადაიფიქრეს აფხაზეთის აღიარება და ისინი საქართველოს ტერიტორიულ მთლიანობას აღიარებენ და ამყარებენ დიპლომატიურ ურთიერთობას საქართველოსთან. რატომ არის ეს მნიშვნელოვანი, ალბათ ქართველების უმეტესობას არც გაუგია ვანუატუს სახელმწიფოს შესახებ და ამაზე ცოტა რამე იცის. ეს ფაქტი მნიშვნელოვანია იმიტომ, რომ ეს არის პირველი პრეცედენტი, რუსეთის მიერ მთელი მსოფლიოს მოსყიდვის შანტაჟის, მთელი დიპლომატიური რესურსის ჩართვის შემდეგ ერთ-ერთი ქვეყანა, რომელიც რუსეთს დასთანხმდა თავისი აზრი შეეცვალა საერთაშორისო პოზიციის გამო და ჩვენი მათთან აქტიური დიპლომატიური მუშაობის გამო", _განაცხადა მიხეილ სააკაშვილმა და აღნიშნა, რომ ამით რუსეთმა სერიოზული მარცხი განიცადა.
შეგახსენებთ, რომ პრეზიდენტის ადმინისტრაციის ინფორმაციით, ვანუატუმ აფხაზეთის დამოუკიდებელ სახელმწიფოდ აღიარების გადაწყვეტილება გააუქმა.
მასალის გამოყენების პირობები